Harremanetarako Habitata

Hirugarren eta azken proiektu honetan, aurretik azaldu bezala, harremanetarako habitat bat egin behar izan dugu.  Entrega honen xedea, Madrileko Campo de la Cebada bezalako ideian oinarrituz, Trinitate Plaza inguruko auzokideen beharrak asetzeko "zerbait" proiektatzea izan da.

Behar horiek zeintzuk diren jakiteko elkarrizketa batzuk egin behar izan ditugu bertako biztanleei.  Elkarrizketa honen erantzunak aurretik idatzitako entradan daude.  Laburbilduz, gazteek eserleku edo etzateko leku bat eskatu zuten, gurasoek aterpea eta haurrak zaintzeko gunea, eta edadetuek kartetan, frontoiko pilota partida ikusten, etab. egon ahal izateko lekua.

Proiektua gauzatzeko unean, behar guzti horiek gauza bakar batean bilakatzen ahalegindu nahiz eta horregatik modulu jarrai bat egitea pentsatu dut. Egitura jarrai hau tela bat izango balitz bezala tolesten da eta mugimendu horrekin estalkiak, jarrilekuak eta etzateko lekuak sortzen ditu, auzokideen nahiak betez.

Plazaren gune organikotik aldenduz, gune erregularrean kokatzen da eta horregatik bere forma ere nahiko erregularra da.  Lehenengo lekuan aurkitzen den estalkia; hau da, plazaren sarreratik hurbilen kokatzen dena; gurasoentzako pentsatuta dago.  Haurrak frontoian edo futbol zelaian arituko dira jolasten eta leku honetatik oso ondo kontrolatu daitezke bi alderdiak.  Jarraian eserlekuak eta etzateko lekuak daude; batzuk frontoira ematen dute, pilota partiduak lasai ikusi ahal izateko; etzateko lekuak eguzkiak ondo ematen duen lekuan kokatzen dira; eta azkenak, futbol zelaira begira jarrita daude.  Bigarren lekuan dagoen estalkia edadetuentzako da eta frontoirantz ematen du.  Hemendik oso ondo ikusten dira partiduak eta gainera pilotak jotzeko arriskurik ez dago, pixkat aldenduta baitago, gainera, futbol zelaiaren aldea estalita dagoenez baloia ez da bertara iritsiko.  Azkenik, goiko estalkia dago, plaza guztia ikusteko aukera eskeintzen duelarik; gazteak askotan igotzen dira leku honetara, lasaitasunaren bila plazako girotik aldenduz.

Horrela bada, auzokideen nahiak bete ditudalakoan, beti ere plaza errespetatuz, nire proiektua bukatutzat eman dut.